我的心神啊, 你當讚美耶和華；
凡若在我內面的，亦著讚美祂的聖名。
我的心神啊，你當讚美耶和華：
不可不記得祂一切的恩惠；
祂赦免你攏總的罪；
醫好你攬總的病；
祂救贖你的生命脫離死亡；
用仁愛及慈悲做你的冕旋；
用好物足你的心願；
使你復到少年親像鷹鳥。
祂照咱的罪過款待咱，
亦無照咱的罪惡義應咱，
因為天離開地許呢高，
祂的慈愛對敬畏祂的人亦是許呢大，
東離開西有多遠，
祂使咱的罪過離開咱亦是許遠，
老父怎樣憐憫他的子兒，
耶和華憐憫敬畏祂的人亦是如此。
因為祂知咱的體質，
思念咱是土粉。
論到人，他的日子親像草，
他的興旺親像山裡的花。
經過風一下吹，就無去；
他的原位不再認得。
總是耶和華的慈愛歸於敬畏祂的人，從永遠到永遠；
祂的公義亦歸於子子孫孫。
就是那些遵守祂的約，
紀念祂的教示來遵趁的人。
耶和華在天頂設立祂的寶座，
祂的國權管轄萬項有。
恁這些有大權能的天使啊，聽祂的聲，成祂的命令者，當讚美耶和華，
恁諸個做祂的差使，行祂所歡喜的，攏著讚美耶和華。
恁一切受祂創造的，在祂所管理的各位，攏著讚美耶和華。
我的心神啊，你著讚美耶和華。
