恁著感謝耶和華，因為祂是好；
因為祂的慈愛永遠在的，
願以色列講，
祂的慈愛永遠在的，
願亞倫的家講，
祂的慈愛永遠在的，
願敬畏耶和華的人講，
祂的慈愛永遠在的。
我在危急的中間求叫耶和華；
耶和華就應我，將我置在寬闊的所在；
有耶和華與我在的，我就無驚；
人要何法得我奈何？
著給我開義的門；
我要入去，感謝耶和華。
這是耶和華的門，
義的人要入去。
我要感謝祢，因為祢已經應我；
又成做拯救我者。
師傅所棄揀的石，已經成做厝角頭的石，
這是耶和華所做的，咱的目碉看它做奇怪。
這是耶和華所定著的日；
咱在此日的中間要歡喜快樂
耶和華啊，今求祢拯救；
耶和華啊，今求祢使阮發達
奉耶和華的名來的，應該得著福氣；
耶和華是上帝，祂的光照阮；
祢是我的上帝，我要感謝祢；
祢是我的上帝，我要尊祢做高
恁當感謝耶和華， 因為祂是好；
因為祂的慈愛永遠在的。
