我設使能講人及天使的音語，
若無仁愛，我就成做響的銅器，鳴的喇鈸。
我設使做先知，
明白攏總的奧妙及攏總的知識；
又設使有齊備的信，夠額來移山，
若無仁愛，我就不算做是什麼。
我設使盡所有的來賬濟 ，又獻我的身軀被火燒，
若無仁愛，就我無得著利益。
仁愛是善寬容慈悲；
仁愛是無怨妬；仁愛無誇口，無品旁，
無行見誚的事，無求自己的利益，
無快怒氣，無記得人的惡；
無歡喜不義，是與真理相與歡喜:
凡事忍受，凡事相信，凡事盼望，凡事吞忍。
仁愛永遠不無去；
若是先知的職必廢無，那些音語必息，知識必廢無，
因為咱所知的無完全，做先知也無完全，
完全者若到，無完全者就廢無。
我做因仔的時，講話親像因仔，
性情親像因仔。
意見親像因仔：
已經成人，就廢無因仔的事。
因為咱今對鏡在看, 矇朦無明;
若是到彼時就當頭對面。
我今所知無完全 ；
到彼時就知，親像我被主知一樣。
現今所存的，就是信、盼望、仁愛；這三項
其中第一大的是仁愛。
