過失得著赦免，罪過得著遮蓋者，
這人有福氣。
耶和華無算他有罪，他的心無奸詐者
這人有福氣。
我靜靜的時，我的骨頭枯焦
因為我通日大聲吼。
我對祢排列我的罪過，
無隱瞞我的罪惡。
我講，我要對耶和華承認我的過失；
祢就赦免我犯法的罪。
因為如此, 凡若虔誠的人, 在可尋著祢的時，當祈禱祢
大水氾濫的時, 的確不到他處。
祢是我閃匿的所在；
祢必庇佑我脫離艱苦；
祢必用得救的歌四面圍我。
我要教示你，指示你應該行的路；
我要注目看你，來勸戒你。
不可親像馬, 骡, 伊無智識；
著用馬咬韁馬勒索約束伊，
若無, 伊就不倚近你。
惡人受多多苦難；
獨獨倚靠耶和華的人，必有慈愛四面圍他。
恁義人啊，當因為耶和華來歡喜快樂：
心正直的人啊，恁當出歡喜的聲。
