上帝啊, 我的心切切欣慕祢
親像鹿切切欣慕溪水,
我的心口渴, 欣慕上帝, 就是活的上帝；
我何時能到上帝面前，來覲見祂啊?
我冥日用我的目滓準販食
伊對我講無息, 你的上帝在何處?
我昔前與眾人做陣去, 導伊到上帝的厝
用歡喜讚美的聲, 大家守節：
我追念諸個事，
我的心極其悲傷。
我的心啊，你何事鬱碎？
何事在我的內面著急？
你當盼望上帝，因為祂的面向我, 來拯救我
所以我尚且要讚美祂。
我的上帝啊，我的心在我的內面鬱卒；
所以我從約但的地及黑門，亦從米薩的山紀念祢；
祢的瀑布出聲，就深淵與深淵相叫應；
祢的波浪，祢的大湧，攏淹密我。
總是耶和華日時必施出祂的慈愛；
冥時祂使我唱歌
來求賞賜我活命的上帝。
我要對上帝，我的石磐；講，
祢何事不記得我？
我何事因為對敵的壓迫，憂悶來行啊？
我的對敵譏諫我，親像打碎我的骨頭；
伊對我講無息，你的上帝在何處？
我的心啊，你何事鬱卒？
何事在我的內面著急？
你當盼望上帝；
因為我尚且要讚美祂；
祂是我的面的榮光，
亦是我的上帝。
