上帝是阮逃閃的所在及氣力。
亦是患難中及時的幫助。
所以地雖然變遷，
山雖然搖動到海中 ，
其中的水雖然嘩嘩吼抬湧 ，
山雖然因為海漲搖拙，阮亦無驚。
有一條河，它的開叉使上帝的城歡喜；
就是至高者所居起聖的所在。
上帝在彼中間，城的確不搖動 ；
天昲光，上帝必幫助它。
異邦嘩嘩吼 ，
列國搖動 ；
上帝出祂的聲，
地就消鎔。
萬軍的耶和華與阮在的，
雅各的上帝做阮的高臺。
來啊，來看耶和華的所做，
看祂使地荒廢到怎樣！
祂使交戰息，到於地極；
祂抑折弓，
斬斷槍；
將戰車燒在火中。
恁當定定，當知我是上帝；
我必在列邦中做高大，受尊做大，
萬軍的耶和華與阮在的；
雅各的上帝做阮的高臺。
