凡若恁口渴者, 著來就近水，
也無錢者，恁著來；來買來食，
來啊，不免銀，不免價錢，
來買酒及奶。
恁何事開費錢，買彼個不食得的物？
何事服勞，在彼個不使人食飽的啊？
恁當留心聽我，就能食彼個好物，
得著享受油膩，使心歡喜。
當趁耶和華可尋著的時，來尋祂，
在祂相近的時求叫祂。
惡人當離開他的路，
不義的人當改換他的念頭；
歸向耶和華，祂必憐憫他：
歸向咱的上帝，因為祂必遍行赦免，
耶和華講，我的念頭不是恁的念頭，
恁的路不是我的路。
因為天怎樣更高地，如此我的路更高恁的路:
我的念頭更高恁的念頭。
因為親像雨及雪從天降落，亦無再倒轉，
就是潤澤土地，使地上發芽結實，
使撒種者有種子，
使食者有米糧；
我的嘴所講出的話亦必如此；決斷無空空倒轉來我處，
是必成我所歡喜的, 必使我所差他做的事得著亨通。
恁出去必歡歡喜喜，
得著引導平平安安；
大山小山必在恁的面前出聲唱歌，
田野的樹木攏必搭手。
松柏發生來替草棘，
岡拈樹發生來替疾藜；
這是必做耶和華的名的紀念，
做永遠的證據，不能剪除。
