萬軍的耶和華啊;
祢居起的所在，怎樣許可意愛，
我的心神戀慕耶和華的殿院到殙去；
我的心腸，我的肉體, 向活的上帝求叫。
萬軍的耶和華, 我的王, 我的上帝啊;
雀鳥仔為著自己尋著一個厝，
燕仔為著自己尋著孵子的巢；
就是在祢那些祭壇處。
居起在祢的厝者彼號人有福氣。
伊要直直讚美祢。
他的力在於祢，
伊的心意向錫安的大路者, 彼號人有福氣。
伊經過流目滓的山谷, 使它變做水泉的所在；
又有秋天的雨的福氣給它蓋滿。
伊愈行氣力愈加添，
各人到錫安朝覲上帝。
萬軍的上帝耶和華啊，求祢聽我的祈禱；
雅各的上帝啊，求祢俯耳孔來聽。
做阮的盾牌的上帝啊，祢當看；
看祢受抹油者的面。
在祢的殿院住一日，較好一千日。
寧可在我的上帝的厝顧門，較好站在惡人的布棚。
因為耶和華上帝是日頭，是盾牌；
耶和華賞賜恩惠及榮光：
祂未曾留一項好物，
無給那些行正直的人，
萬軍的耶和華啊!
依靠祢的人有福氣。
