主啊，祢各世代做阮居住的所在，
這些山尚未出生，
地及世界祢尚未造成，
從永遠到永遠祢是上帝。
祢使人歸土，
講，恁世間人，當越倒轉。
因為在祢看, 一千年親像已經過去的昨日。
又親像冥間的一更。
祢親像用大水給伊流去；
伊親像睡一醒 ；
伊親像草，早起時茂盛；
下昏時受刈, 就枯焦。
因為阮由祢的怒氣就消滅，
又阮由祢的發性來驚惶。
祢將阮的罪惡排在祢的面前，
將阮隱密的惡, 排在祢的面的光明中。
阮的日子攏經過在祢的大怒氣，
阮的年歲過了，親像吐一個氣。
阮一生的年日是七十歲，
若是勇壯可到八十歲，
總是其中所誇口的，不過是勞苦憂愁；
它緊緊過，阮就飛去。
求祢教示阮，怎樣算自己的日子；
使阮得著智慧的心。
耶和華啊, 要到幾時呢? 求祢倒轉 :
為著祢的奴僕來回心。
求称早起時用称的慈愛使阮滿足；
使阮一世人歡喜快樂。
求祢照祢苦楚阮的日，照阮遇著患難的年,
使阮歡喜。
願祢的所做對祢的奴僕顯現，
祢的榮光對伊的子孫顯明。
願主阮的上帝的美妙站在阮的頂面 ：
願祢堅固阮的手所做的工，
(齊聲)：阮的手所做的工，願祢堅固它。
