恁當向耶和華唱新的歌，
全地攏當向耶和華唱歌。
當向耶和華唱歌，祝謝祂的名；
日日傳報祂的救恩。
在列邦的中間講起祂的榮光：
在萬百姓的中間講起祂奇妙的所做，
因為耶和華做大, 應該受極大的讚美
祂在眾神明的頂面應該受敬畏，
因為列邦的上帝攏是虛假：
獨獨耶和華創造這些天，
在祂的面前有尊貴及威嚴；
在祂的聖所有權能及榮光。
百姓中的各族啊，恁當將權能榮光歸給耶和華；
歸給耶和華。
用祂的名所應該得著的榮光, 歸給耶和華：
帶禮物來入祂的院。
著用聖潔的裝飾敬拜耶和華；
全地在祂的面前愕愕擦，
在列邦中著講，
耶和華做王，
世界堅固，不搖動；
祂要照公平審判萬百姓。
願天歡喜, 地快樂：
願海及其中所充滿的攏出大聲 ：
願田圜及其中所有的攏快樂 ：
彼時樹林內的樹木攏要在耶和華的面前出歡喜的聲；
因為祂來了，
祂來要審判全地；
祂要照公義審判世界，
照祂的信實審判萬百姓。
